ساندىق تەحنولوگيا جانە الەۋمەتتىك عىلىمدار

.سويلەگەندى جازاتىن جۇيە وكىنىشكە وراي تەرەزە جۇيەسىمەن ىستەيتىن ۇستەل ۇستى جانە تىزە ۇستى كومپيۋتەرلەردە جوق. بۇل، اندرويد جۇيەسى مەن ىستەيتىن ۇيالى تەلەفوندار مەن پلانشەتتى كومپيۋتەرلەردە بار. ايفون ۇيالى تەلەفوندارعا بۇل جۇيە بيىل قانا قوسىلىپ وتىر.

 

ۇيالى تەلەفون نەمەسە پلانشەتتى كومپيۋتەرلەرمەن مۇنداي جازۋ جۇيەسىن اركىم وزى ورناتا الادى. مۇنىڭ ۇشىن «گليف» دەگەن قالتا تەلەفونى ۇستايتىن شاعىن اپارات، جانە ۇش اياك (تريپود) كەرەك. قۇلاققا سالاتىن ميكروفون اسا قاجەت ەمەس. ۇزاق ۋاقىت جۇمىس ىستەگەندە باتەريانىڭ بىتىپ قالۋىندا قاجەتتى قوسىمشا پورتاتيۆتى زاريادتاۋ اپپاراتى العان دۇرىس.

وزىم تۇرىك تىلىندە «ف» ۇلگىسىندە پەرنەتاقتا قولدانامىن. مۇنى ون ساۋساقپەن پەرنەتاقتاعا قاراماي تەز جازامىن. وكىنىشكە وراي، اندروىد تەلەفوندارىندا ول جۇيە جوق. “ق” ۇلگىسىندەگى جۇيە بار. الايدا، ماسەلەنىڭ شەشىمى قىيىن ەمەس. ول ۇشىن “ەكستەرنال كيبوارد حەلپەر” دەپ اتالاتىن باعدارلامانى ورناتامىز.

بۇل باسقا دا ونەرلەرى بولعان بىر باعدارلاما. مۇندا قاجەتتى پارامەترلەردى ورناتقاننان كەيىن پەرنەتاقتادا وزىڭىز بەلگىلەگەن بىر تۇيمەگە باسۋ ارقىلى سويلەگەندى وزى جازاتىن جۇيەگە نەمەسە پەرنەتاقتامەن جازاتىن جۇيەگە وپ-وڭاي اۋىسۋعا بولادى. سويلەپ جازعان تۇستا شىققان ارىپ نەمەسە ەملە قاتەلىكتەرىن تۇزەتۋ ۇشىن وسىلايشا دەرەۋ پەرنەتاقتا جۇيەسىنە وتۋگە بولادى.

ساندىق تەحنولوگيانىڭ زەرتتەۋلەردى وڭايلاستىراتىن باسقا دا قىرلارى كوپ. بىز بۇل ماقالادا تەك سويلەگەندى جازۋ جاعىنا توقتالدىق. وزگە قىرلارىن دا تانىستىراتىن ماقالالار كەيىن جازاتىن بولامىز. تىپتى سولاردىڭ بارلىعىن قامتىپ «ساندىق تەحنولوگيا جانە الەۋمەتتىك عىلىمدار» دەگەن اتپەن بىر كىتاپ جازۋ دا ويدا بار.

زامان باسەكە مەن وزگەرىستەر كوپ بولعان زامان. وسى زامانعا سايكەس ەڭبەكتى تەز جازىپ ۇلگەرۋ كەرەك. وسىندايدا تەحنولوگياعا جۇگىنگەن دۇرىس. سوندىقتان ساندىق تەحنولوگيامەن زەرتتەۋ جانە ەڭبەك جازۋ جەڭىل جانە راحات بولعانىمەن بارعان سايىن قاجەتتىلىككە اينالادى دەپ ويلايمىن.

ابدىۋاقاپ قارا

تاريح عىلىمىنىڭ دوكتورى، ميمار سينان كوركەم

ونەر ۋنيۆەرسيتەتىنىڭ پروفەسسورى

Bir Cevap Yazın

Your email address will not be published / Required fields are marked *